Veikindi

Allir eru veikir þessa dagana. Annað hvort veikir á geði eða bara á líkama. Ég er bæði. Ætli maðurinn á efri hæðinni viti af þessu?

Ég er að fara að flytja til uttlanda. Logi bannar mér að klára og systir mín er að missa sig í handbolta! Mér finnst ég einhvern veginn ekkert hafa að segja, en ég reyni samt, af tilliti til samnemenda og samferðamanna minna í lífinu sem vita það fátt skemmtilegra en að lesa hugrenningar mínar.

Ég er að lesa bókina LoveStar eftir Andra Snæ Magnason. Hann er fyndinn og hugmyndaríkur gaur. Ég hef gaman af fyndum og hugmyndaríkum gaurum.

Fór í tvítugsafmæli um helgina í pínku lítilli íbúð á stúdentagörðunum. Hún var sæt. Gaurinn sem átti afmæli (sem af tilviljun er einnig mágur minn) var haugdrukkinn um 12 leytið og við það að sofna, enda ekki skrýtið, greyið fékk að fara í fyrsta skiptið í ríkið... einn! Og hann ætlaði sko að detta'ða. Það tókst. Svo fór hann og keypti sér skyrtu með pípum... nei bíðið nú við... ef betur er að gáð koma í ljós... daddaramm! Framhald í næsta þætti af Hrakfallasögur úr lífi og limum Músarinnar hinnar góðu.

Kveðja,
Músin sem hefur kveisu í maga - magakveisu.
Músin

Og ég...

hlustaði á nælon áðan. Og ég komst að því að það er augljóslega verið að stíla inn á litla fólkið. Systir mín sat sem ánægðust við enda matarborðsins og söng hamingjusöm með ,,...og ég sakna þín... og ég komst hingað ein..." Þess má til gamans geta að hún er sjö ára hnáta.

Ég veit ekki:
-með dimmissjón. Verðum við bara í svörtum ruslapokum og syngjum gamla nóa án nýs texta?
-Hvort hvalir hafi kynmök oftar en einu sinni á mánuði.
-Hvort íslendingar vinni í heimsmeistaramóti fatlaðra í skák sem haldið verður í Hallberuhelli vorið 2007.
-Hvort ég viti yfir höfuð eitthvað!

Einu sinni var lítill strákur sem vissi ekkert í sinn haus. Hann veit núna eitthvað í sinn haus. Mér finnst ég vera rosalega fræg manneskja. Bara svona, þið vitið.

Ég er að spá í grafíska hönnun í háskóla í haust!

Kveðja,
Músin - Sem er alveg við Artí-fartí dauðans dyr.